بسنت أبو باشا لـ”الستات”: المخرج إختارني للحشاشين وبدأت بمشهد حلم الجنة
![](https://media.elzmannews.com/img/24/05/28/483495.jpg)
تحدثت بسنت أبو باشا عن مشاركتها في مسلسل الحشاشين وكشفت عن كيفية اختيارها للدور، وقالت: "عملنا اوديشن في مكتب الكاستنج عند إبراهيم فرج والمخرج اختارني وفجاءة التصوير بكرة، وأول حاجة بدأنا بيها حلم الجنة كتصوير بالنسبالي أنا".
https://youtu.be/hZmmbSzpy3s?si=fl3ywhOmZVvS9t0M
وعن سبب عدم وجود سكريبت لمشاهد حلم الجنة، قالت: "أنا عملت ده وذاكرته وقريت القصة بعد ماصورت اليوم ده، والحمد لله كان في وقت تاني إن أنا أصور وأذاكر بعد ماعملت حلم الجنة فذاكرت الدور كويس وعملت مشاهد تمثيل".
وعن كيفية تجهيزاها لدور حلم الجنة، قالت: "أنا كنت باخد ورشة تمثيل مع ياسين العصامي واتمرنت على الدور معاه فكان أي مشهد بيجيلي بذاكره معاه وأتمرن عليه وأعمل بروفات قدامه وفي التصوير بنعمل بروفة تاني والمخرج بيعدل".
وعن مشهد قتلها سوزان نجم الدين، أجابت: "أنا فعلًا كنت هادية جدًا وكانت الشخصية من النوع الجدع اللي بيقف جنب صحابه الجواري، فطبعًا بعد ماشافت كل صحابها ماتوا فحبت إنها تنتقم من القائدة، فسلطت الجواري الجداد واستغلتهم إنهم يعملوا الجريمة".
وعن سبب دخولها مجال التمثيل: "من وأنا صغيرة في المدرسة بطلع في الحفلات دايما في المسرحيات وفي الاستعراضات، وبعد شوية إشتغلت في الاستعراضات زي الباليه برا المدرسة، ودخلت الباليه واتمرنت وعملت حفلات وبقف على المسرح، وبعدين بقيت موديل ودخلت الإعلانات".
وعن كيفية ترشيحها للتعاون مع تامر حسني: "كنت بعمل فقرة باليه في حفلته مرة وبعد كده كان هو عايز حد يمثل في كليب وقال عايز بنت بترقص بردو".
وعن أول عمل بدأت به: "كان الأبواب المغلقة برنامج درامي فيه تمثيل قصص حقيقية بتاع أستاذ جورج قرداحي، فعملت قصة وكنت لابسة حجاب ودي أول حاجة دراما"، مضيفة :"بس أول حاجة إتشافت كليب تامر حسني لإن كان فيه بردو تمثيل والناس قالتلي إن أنا يجي مني".